Enter

Ólafur Gaukur Þórhallsson

Ólafur Gaukur Þórhallsson Var einn helsti brautryðjandi dægurtónlistar á Íslandi sem gítarleikari, lagahöfundur, hljómsveitarstjóri, útsetjari, textahöfundur, plötuútgefandi og kennari.

Ólafur fæddist þann 11.ágúst árið 1930. Aðeins fimmtán ára gamall stofnaði Ólafur Gaukur sitt fyrsta tríó og á menntaskólaárum sínum hóf hann að leika með vinsælustu danshljómsveitum landsins, m.a. KK sextett auk þess að stýra sinni eigin hljómsveitum og mun Sextett Ólafs Gauks vera þeirra þekktust. Hann stýrði einnig einum af fyrstu sjónvarpsþáttunum, Hér gala gaukar, á upphafsárum sjónvarpsins.

Ólafur Gaukur lauk prófi í tónsmíðum og kvikmyndatónlist frá Grove School of Music í Los Angeles á níunda áratugnum. Hann stofnaði Gítarskóla Ólafs Gauks árið 1975 og rak hann til æviloka.

Fyrir framlag sitt til íslenskrar tónlistar hlaut hann ýmsar viðurkenningar. Hann hlaut heiðursverðlaun Íslensku tónlistarverðlaunanna árið 2006, árið 2008 var hann sæmdur hinni íslensku Fálkaorðu og sama ár var hann kjörinn heiðursfélagi í Félagi tónskálda og textahöfunda og árið 2009 sæmdu gítarleikarar hann Gullnöglinni.

Ólafur lést 12.júní árið 2011 tæplega 81 árs að aldri.

 
 
Staðfesti notandanafn...