Enter

Daði Freyr Pétursson

Daði Freyr Pétursson (f. 1992) er íslenskur tónlistarmaður búsettur í Berlín í Þýskalandi. Daði fæddist í Reykjavík en ólst upp í Danmörku til níu ára aldurs en þá flutti fjölskylda hans til Íslands og settist að á Suðurlandi, fyrst í Laugalandi og síðar í Ásahreppi. Daði lauk stúdentsprófi frá Fjölbrautaskóla Suðurlands árið 2012 og BA-námi í tónlistarstjórnun og hljóðvinnslu í Berlín árið 2017. Í æsku æfði Daði sig á trommur og lærði á píanó og bassagítar. Hann hóf tónlistarferil sinn með hinni skammlífu hljómsveit Orchestra of Few en í þeirri hljómsveit var meðal annars Kristján Pálmi Ásmundsson en árið 2011 stofnuðu þeir hljómsveitina RetRoBot og fengu til liðs við sig Gunnlaug Bjarnason, söngvara, og Guðmund Einar Vilbergsson, gítarleikara en þeim hafði hann kynnst í Fjölbrautaskóla Suðurlands. Árið 2012 vann hljómsveitin Músíktilraunir og Daði var valinn rafheili ársins. RetRoBot gaf út eina plötu, Blackout, ári síðar. Árið 2014 flutti Daði Freyr til Berlínar þar sem hann hóf nám í upptökustjórnun og hljóðvinnslu við dBs Music. Sama ár byrjaði hann að spila undir nafninu Mixophrygian og ári síðar gaf hann út plötuna Forever. Árið 2017 tók Daði þátt í Söngvakeppni sjónvarpsins með laginu „Hvað með það?“ („Is This Love?“) en það flutti hann ásamt eiginkonu sinni Árnýju Fjólu Ásmundsdóttur tónlistarkonu og hljómsveitinni Gagnamagninu. Þau höfnuðu í öðru sæti á eftir Svölu Björgvinsdóttur sem flutti lagið Paper Daði Freyr og hljómsveit hans Gagnamagnið voru á meðal þátttakenda í Söngvakeppni Sjónvarpsins árið 2020.[4] og unnu þau keppnina með lagið Gagnamagnið/ Think about things.

 
 
Staðfesti notandanafn...