Hér sit ég nú glaður með hálfa flösku í hönd
og hugurinn reikar að lítilli strönd
sem færði mér áður fyrr ástir og yl
þó allt sé það horfið hvað gerir það til

Flaskan í öxlum, já yndælis vín
yljar nú skrokkinn og gleðin hún skín
ekkert mig varðar um ástríka snót
engu hún skiptir, nei alls ekki hót

Ó flaskan mín góða að hafa þig hér
hálf fulla af víni það líkar nú mér
til fjandans með alla þér einni ég ann
já indæll er dropinn og hressa hann kann

Hérna er bollinn og blandið er hér
þá blanda ég bara já skál fyrir mér
kerlingin farinn og krakkarnir með
hvað varðar mig um þessi vesalings peð

Hér sit ég nú dapur og glápi á gler
galtímar hálfflöskur glotta við mér
allt saman horfið nú ekkert ég á
og enginn mig þekkir hvar á ég að slá

Vinirnir farnir og konan mín kær
kvaddi mig grátandi á gólfinu í gær
Ó Guð minn á himnunum miskunn þú mér
með heigulskap héðan af jörðinni ég fer